Best Giant 設施介紹


各式各樣設施,任君選擇!

經典街機 & PS4


當年去機鋪打機打到上唒癮,飯都唔記得食!呢度有600款經典遊戲,一定搵得返你煲開嗰隻。約埋班friend一齊嚟上上下下左右左右BA啦!

巨型麻雀


平時游乾水就咁坐定定,玩呢副巨型麻雀就要親自出馬搬麻雀,真係鬥智又鬥力!一組人合作,無論係幕後軍師,或者落場打牌,同樣不失霸氣!

巨型象棋


識得捉中國象棋嘅人越來越少,同電腦搏奕百戰百勝嘅你,響呢度可以用呢個巨型棋盤大顯身手,一定型爆全場。

巨型Android手機


Best Giant有部巨型Android手機,裝唒最新最hit嘅遊戲,無論一家大細或者成班朋友,都可以一齊輕鬆吓,嘻嘻哈哈玩餐飽!

巨型Lego


有冇試過用Lego砌間大屋,幻想自己可以搬埋入去住?Best Giant嘅大大粒Lego可以幫你夢想成真,同另一半一齊設計屬於你哋嘅dream house啦!

玻璃桌球檯


全港獨家,閃燈透明玻璃美式桌球檯,仲唔快啲上嚟篤返場!

特大字母凳


紅都面唒,有嘢講唔出口?呢度嘅特大英文字母凳可以幫到手!發揮你嘅創意,將心嗰句講出嚟,慶祝生日、大時大節,或者求婚都冇難度!

飛鏢機


飛鏢運動趣味性強,能增強身體協調能力,最重要唔使入錢嘛!

巨型層層疊


巨型層層疊有百幾塊6 x 6 x 18厘米嘅積木,考驗大家耐心同定力。技術了得的話,要砌到高過個人都絶對無問題!小朋友就鍾意用嚟砌城堡,係聚會不可或缺嘅團體遊戲。

自動麻將枱


打幾圈麻將洗下牌就話無乜所謂啫,激戰廿四圈嗰陣就梗係要分秒必爭啦!呢部電動麻將機幫你慳番唔少時間,等你密密食!

巨型凳


凳就坐得多同見得多啦 但係咁大張凳你又見過未呢?有無試過企係一張比自己大十倍既凳到?我地花好多心思先造到出嚟㗎!為嘅都係想呃個like😂

Board Games


我哋有唔同種類嘅 Board Games俾你同朋友共渡歡樂時光,仲可以訓練你嘅專注力、手眼協調同反應,係時候一決高下喇!

炮彈巨塔


將巨塔上面嘅竹籤逐條逐條抽出嚟,盡量避免令裡面嘅炮彈跌落嚟,邊個整跌最後一粒炮彈嘅就輸!考你眼光同運氣,亦考你雙手嘅定力!

巨型螢幕


150吋巨型螢幕加投影機,可連接airplay,上網,睇戲夠哂氣氛!

Switch任天堂


任天堂遊戲毫無疑問擁有絕高品質既遊戲性,機迷唔好錯過啦!

獨立唱K房


口郁郁.....想唱K!獨立K房啱晒你!最啱同班friends 玩埋《超級無敵估歌仔》添呀!